Pantun Alam Takambang... :))))

Apo akanyo si gulambai
Kain tasangkuik ujuang rotan
Apo akanyo dayo tupai
Karambie tumbuah di lautan

Maninjau padilah masak
Batang kapeh batimbo jalan
Hati risau dibao galak
Bak paneh manganduang hujan

Bada kariang parancang paku
Paku digulai anak rang lolong
Bia kariang banda di hulu
Ka bakeh hujan den mintak tolong

Bukik apik jo Kampuang Dalam
Katigo kampuang rang kinali
Matoari sakik bulanlah damam
Dek ulah kabuik hujan pagi

Kayu pulai di Koto Alam
Batangnyo sandi basandi
Kalau pandai di dalam alam
Patah tumbuah hilang baganti

Batusangka balantai batu
Parak Jua labuah basilang
Sadang jo kapa lai tak lalu
Konon barakik batang pisang

Labuah sampik ka Sungai Dareh
Sijunjuang jalan malingka
Kok taimpik nak di ateh
Takuruang nak di lua
(hehehe..pantun yg ini karakter org minang bangetssss :)))))


Sumber: Buku 'Keajaiban Pantun Minang'