Pantun (Minang) Merantau... ;)

Pakan Baru Taratak Buluah
Labuhan kapa dari Siak
Jawek pakirim dagang jauah
Sayang bacampua jo taragak

Singkarak kotonyo tinggi
Sumaniak mandado dulang
Awan Bararak den tangisi
Badan jauah di rantau urang

Rang lubuak Aluang ka Pasa Usang
Mambao ragi tapai jo lamang
Manangih badan di rantau urang
Iyo taragak badan nak pulang

Kok jadi pai ka pakan
Ikan bali balanak bali
Ikan panjang bali dahulu
Kok jadi pai bajalan
Kawan cari dunsanak cari
Induak samang cari dahulu

Elok-elok manyubarang
Jan sampai titian patah
Elok-elok di rantau urang
Jan sampai babuek salah


Sumber: Buku 'Keajaiban Pantun Minang'